Son 7 ildə Azərbaycanda boşanmaların faizi artıb. APA-nın xəbərinə görə, bu barədə Milli Məclisin Sosial siyasət komitəsinin sədri Hadı Rəcəbli “Sağlam ailə sağlam gələcəyin təminatıdır” adlı konfransda çıxışında deyib.
O bildirib ki, ölkədə boşananların faizi 5%-dən 10%-ə kimi artıb. Millət vəkilinin sözlərinə görə, boşanmaların 90%-i mülkiyyət iddiaları ilə müşayiət olunur: “Bunun nəticəsində də qadınlar əziyyət çəkirlər. Bu məsələlərin həlli üçün hüquqi baza üzərində düşünülməlidir”.