Sınaq imtahanları təlimata uyğun keçirilib və heç bir qayda pozuntusu qeydə alınmayıb. Bunu Lent.az-a açıqlamasında Tələbə Qəbulu üzrə Dövlət Komissiyasının imtahanın təşkili şöbəsinin müdiri Arzu Bağırov bildirib. Onun sözlərinə görə, imtahanlar Bakı və Gəncədə iki növbədə - saat 09.00 və 14.00-da, qalan rayonlarda isə bir növbədə - saat 10-da başlayıb və qəbul imtahanlarının texnologiyasına uyğun olaraq 3 saat davam edib. İmtahanın nəticələri yaxın 3 gün ərzində açıqlanacaq.
A. Bağırov qeyd edib ki, aprelin 10-da keçirilmiş monitorinq imtahanları test yox, yazılı imtahan olduğundan nəticələrinin elan edilməsi bir qədər vaxt aparacaq. İmtahan nəticələri xüsusi markerlər tərəfindən yoxlanacaq və nəticələr təhlil edilərək Təhsil Nazirliyinə veriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
