"Gəncədə işığı keçirirlər, uzun müddət bərpa etmirlər".
Lent.az xəbər verir ki, bunu Milli Məclisin Təbii ehtiyatlar, energetika və ekologiya komitəsində keçirilən “Enerji səmərəliliyi: nəticələr və gözləntilər" mövzusunda ictimai müzakirədə deputat Naqif Həmzəyev deyib.
"Gəncə şəhərində işıq şəbəkəsi hörümçək torunu xatırladırdı. Bu gün çox böyük irəliləyiş, inkişaf var. Ancaq birdən xəbər etmədən Gəncə şəhərində işıqları keçirirlər. Açıq deyim mən özüm də utanıram zəng etməyə. Nə qədər zəng etmək olar?! Qonşularım dəfələrlə buna görə məişət əşyalarının sıradan çıxdığını deyiblər. Bakıda buna nəzarət çox güclüdür, ancaq Gəncə, o biri rayonlarda xəbər etmədən işığı keçirirlər, uzun müddət də bərpa etmirlər. Hətta insanlar var ki, odun peçinə keçmək istəyirlər. Çünki işıq yoxdursa, qaz da olmur, kombilər işləmir. Bu nə ilə əlaqədardır ki, uzun müddət işığı bərpa etmirlər?!" - deputat bildirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
