İxtisas seçiminin vaxtı dəyişdirildi

Tələbə Qəbulu üzrə Dövlət Komissiyasından Lent.az-a verilən məlumata görə, ixtisas seçimi internet vasitəsilə avqustun 2-si, saat 11:00-a qədər davam edəcək.

İkinci ixtisas qrupu üzrə imtahan verən abituriyentlər həmin ixtisas üzrə nəticələrin elan olunduğu vaxtdan sonra, iyulun 24-dən etibarən ixtisas seçimi edə biləcəklər. Dördüncü ixtisas qrupunun xüsusi qabiliyyət tələb edən ixtisaslarına imtahan verən abituriyentlər isə qabiliyyət imtahanlarının nəticələri açıqlandıqdan sonra, iyulun 28-dən etibarən ixtisaslarını seçəcəklər.

Apelyasiyaya müraciət edən tələbələrin qeydiyyatları iyulun 26-27-də TQDK-da aparılacaq. Həmin abituriyentlərin cavab kartlarının qrafik təsvirləri iyulun 27-də, saat 14:00-dan etibarən TQDK-nın internet saytında yerləşdiriləcək.

Kartın qrafik təsvirlərinə baxmaq üçün abituriyentlər test imtahanının nəticələri bölməsində öz səhifələrinə daxil olmalıdırlar. Bundan sonra onların hər hansı narazılığı qalarsa, iyulun 28-də TQDK-da keçiriləcək açıq apelyasiyada əyani olaraq iştirak edə bilərlər.

Ramiz Mikayıloğlu