“Mersedes” avtobusa çırpılıb, dayanacağa girdi: 2 yaralı - YENİLƏNİB

Bakı şəhər Dövlət Yol Polisi İdarəsindən Lent.az-a verilən məlumata görə, qəza nəticəsində 2 nəfər müxtəlif dərəcəli bədən xəsarəti alıb. İdarədən bildirilib ki, yüksək sürətlə hərəkət edən “Mersedes” markalı minik avtomobili dayanacağa yan alan “Daewoo” markalı sərnişin avtobusu ilə toqquşub. Bu zaman minik avtomobilinin sürücüsü ağır qəzadan yayınmaq üçün maşını yol kənarına sürüb. “Mersedes” əvvəlcə metal maneələrə dəyib və sərnişinlərin avtobus gözlədiyi dayanacağa girib. Minik maşınının sürücüsü qəzada ağır xəsarət alıb. Avtobusda olan sərnişinlərdən biri də yüngül zədələnib. Sürücü 3 saylı şəhər xəstəxanasına yerləşdirilib.

***

Bu gün axşam saatlarında Suraxanı rayonu Yeni Suraxanı qəsəbəsi ərazisində, Heydər Əliyev prospekti ilə hərəkət edən “Mersedes” markalı avtomobilin sürücüsü idarəetməni itirərək, maşını dayanacaqda avtobus gözləyən sərnişinlərə üstünə sürüb.

Lent.az-ın əldə etdiyi məlumata görə, hadisə nəticəsində 2 nəfər ölüb, 4 nəfər yaralanıb.

Suraxanı rayon polis idarəsi faktı Lent.az-a təsdiqlədi.

Hadisəinin təfsilatı dəqiqləşdirilir.