Lent.az-ın «ARMENİA Today»ə istinadən verdiyi xəbərə görə, məhkəmə Ermənistan hökumətinin İnsan Haqları Konvensiyasının 10-cu maddəsini pozduğunu təsdiq edib. Həmin maddə söz azadlığının demokratiya və insan haqlarının ayrılmaz tərkib hissəsi olduğunu göstərir.
Məhkəmə Ermənistan hökumətinin 3 ay müddətində “Melteks” ASC-yə 30 min avro ödəməsi barədə qərar çıxarıb. Bu məbləğin 10 min avrosu teleşirkətin ingilis vəkillərinin hesabına köçürüləcək.
Xatırladaq ki, “A1+” teleşirkəti 2002-ci il aprelin 2-də efirdən məhrum edilib. Dövlət Teleradioyayım Komissiyasının üzvləri şirkətin efirdən məhrum edilməsi barədə qərar çıxarıblar. “A1+” 2003-cü ildə keçirilən prezident seçkilərindən düz bir il əvvəl efirdən məhrum edilib. Efirdən məhrum edilməmişdən cəmi bir gün əvvəl “A1+” müxtəlif siyasi qüvvələrin təmsilçilərinə sonuncu dəfə birbaşa efirdə çıxış etməyə imkan yaradıb. Qonaqların hamısı teleşirkətin efirdən məhrum edilməsinin səhv addım olduğunu vurğulayıblar. Lakin vətəndaşların etirazına baxmayaraq, telekanal bağlanıb.
Lent.az
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
