Moskva vilayətinin Dolqoprudniy şəhərinin müharibə veteranları Qarabağda faşist kollaborantı Qaragin Njdenin abidəsinin sökülməsi ilə bağlı federal hakimiyyət oqranlarına müraciət edib.
Lent.az Rusiya KİV-ə istinadən xəbər verir ki, Moskva vilayətinin Dolqoprudnıy şəhərinin Silahlı Qüvvələr, habelə hüquq-mühafizə orqanlarının müharibə və əmək veteranları ictimai təşkilatı tərəfindən faşist Njdenin Qarabağdakı Rusiya sülhməramlılaırnın nəzarət zonasında yerləşən abidəsinin sökülməsi ilə bağlı Rusiya Xarici İşlər və Müdafiə Nazirliklərinə müraciət ünvanlanıb.
Müraciətdə faşizm tərəfdarlarının qəhrəmanlaşdırılmasının yolverilməz olduğu qeyd olunub. Eyni zamanda müraciətdə Nijde tərəfindən əsir düşmüş erməni-qırmızı ordu əsgərlərindən və Vermaxt sıralarında döyüşənlərdən yaradılmış “Erməni legionunun” Polşa, Ukraynanın minlərlə dinc sakininə qarşı cinayətlərindən, Qərbi Krımda 20 mindən çox dinc sakinin qətlə yetirilməsindən danışılır.
Faşizm üzərində qələbənin keçmiş SSRİ-nin bütün xalqlarını birləşdirən bir hadisə kimi vacibliyini vurğulayan təşkilat, Rusiyanın sülhməramlı kontingentinin Qələbə Gününü qeyd edəcəyi ərazidə faşistin abidəsinin mövcudluğunu Avrasiya məkanının azsaylı birləşdirici dəyərlərindən birini sarsıtması barədə xəbərdarlıq edib. Veteranlar Njdenin abidəsinin mövcudluğunu Rusiyanın faşizmin qəhrəmanlaşdırılmasına qarşı prinsipial mübarizəsi kimi nüfuzunu sarsıtdığına da əmin olduqlarını bildiriblər.
Fərid Əkbərov
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
