15 nəfərin öldüyü kafenin sahibi  azərbaycanlı deputat   kimdir?
05 noyabr 2022 13:50 (UTC +04:00)

15 nəfərin öldüyü kafenin sahibi azərbaycanlı deputat kimdir?

Dünən axşam Rusiyanın Kostroma şəhərində 15 nəfərin ölümü ilə nəticələnən yanğının baş verdiyi kafenin vilayət dumasının deputatına məxsus olması ortaya çıxıb. Həmin deputatın isə azərbaycanlı İxtiyar İldır oğlu Mirzəyev olduğu məlum olub. 

Bəs, Kostroma Vilayət Dumasının deputatı, “Vahid Rusiya” fraksiyasının üzvü olan İxtiyar İldir oğlu Mirzəyev kimdir? 

Lent.az kiçik bir araşdırma edərək onunla bağlı bir neçə faktı təqdim edir: 

İxtiyar İldır oğlu Mirzəyev 1969-cu il martın 8-də Azərbaycanın Yardımlı rayonunun Ostair kəndində anadan olub. 

O, 1993-cü ildə Kostroma Texnologiya İnstitutunun Ağac emalı texnologiyası fakültəsinin texnoloji mühəndis ixtisası üzrə təhsil alıb. Mirzəyev əmək fəaliyyətinə 1993-cü ildə Rusiyanın Kostroma şəhərindəki ağac emalı zavodunda başlayıb. 1994-cü ilin may ayına qədər burada işləyib. 

O, 1998-ci ilin aprelindən 2005-ci ilin oktyabr ayına qədər “Nur" Məhdud Məsuliyyətli Cəmiyyətinin direktoru vəzifəsində çalışıb. 2005 - 2006-cı illərdə  28173 saylı hərbi hissədə 4 saylı ev təsərrüfatı mühəndisi kimi fəaliyyət göstərib.

2006-cı ilin dekabr ayından indiyədək “Poliqon” Məhdud Məsuliyyətli Cəmiyyətinin baş direktorudur. 

O, 2005-ci ilin dekabrından 2010-cu ilin oktyabrına qədər IV çağırış, 2010 - 2015-ci illər arasında V çağırış Kostroma Regional Dumasının deputatı olub. 

İxtiyar Mirzəyev 2015-ci ildən bu günə kimi VI çağırış Kostroma Regional Dumasının deputatıdır. O, İqtisadi, Sənaye Siyasəti və Sahibkarlıq Komitəsinin də üzvüdür.  Bundan əlavə, Bank işi və Maliyyə Komitəsində də təmsil olunur.

Onu da qeyd edək ki, İxtiyar Mirzəyev 2018-ci il iyulun 12-də Kostroma Regional Dumasının iclasında pensiya yaşının artırılmasının lehinə səs verib.

Xatırladaq ki, dünən baş vermiş yanğın 3,5 min kvadratmetr sahəni əhatə edib. Yanğın nəticəsində Kostromada ən azı 15 nəfər həlak olub. Çoxsaylı yaralı var. Ölənlərin sayı isə durmadan artır. 

İddialara görə, kafeyə gələn ziyarətçilərdən biri qəzəblənərək raket atan çıxararaq, atəş açıb. Hüquq-mühafizə orqanlarının artıq şübhəlinin axtarışına başladığı bildirilir. 


 

# 6045
avatar

Sevinc Fərid

Oxşar yazılar

Azərbaycanın İrandakı səfiri yaralıların vəziyyətini açıqladı - VİDEO

Azərbaycanın İrandakı səfiri yaralıların vəziyyətini açıqladı - VİDEO

27 yanvar 2023 , 23:56
Azərbaycan Ermənistan hərbçisinin meyitinin qalıqlarını qarşı tərəfə təhvil verdi

Azərbaycan Ermənistan hərbçisinin meyitinin qalıqlarını qarşı tərəfə təhvil verdi

27 yanvar 2023 , 20:44
QMİ-dən BƏYANAT:  "Səfirliyimizə hücum terror aktıdır"

QMİ-dən BƏYANAT: "Səfirliyimizə hücum terror aktıdır"

27 yanvar 2023 , 18:26
"Türkiyə can dostunun yanındadır" - Ərdoğandan DƏSTƏK

"Türkiyə can dostunun yanındadır" - Ərdoğandan DƏSTƏK

27 yanvar 2023 , 17:07
İran terror dövləti olduğunu bir daha sübut etdi:  Sonu virandır

İran terror dövləti olduğunu bir daha sübut etdi: Sonu virandır

27 yanvar 2023 , 15:37
İran səfiri Azərbaycan Xarici İşlər Nazirliyinə çağırıldı

İran səfiri Azərbaycan Xarici İşlər Nazirliyinə çağırıldı

27 yanvar 2023 , 15:06
“Azərbaycan səfirliyinə qarşı törədilən terror aktına görə birbaşa İran dövləti məsuliyyət daşıyır”- Ramiz Alıyev

“Azərbaycan səfirliyinə qarşı törədilən terror aktına görə birbaşa İran dövləti məsuliyyət daşıyır”- Ramiz Alıyev

27 yanvar 2023 , 14:21
İrandakı səfirliyimizin əməkdaşları  təxliyə edilir

İrandakı səfirliyimizin əməkdaşları təxliyə edilir

27 yanvar 2023 , 13:12