Sürpriz görüş

Bu gün Türkiyə Əmlakçılar və Sənayeçilər Qurumunun toplantısından əvvəl sürpriz bir görüş olub.

Lent.az-ın Türkiyənin NTV telekanalına istinadən verdiyi məlumata görə, baş nazir Rəcəb Tayyib Ərdoğan ikinci mərtəbəyə çıxıb. Baş nazirin yanında sənaye naziri Nihad Ergün, kənd təsərrüfatı naziri Mehdi Əkər, Avropa Birliyi üzrə baş müzakirəçi Egemen Bağış olub.

10 dəqiqə sonra isə toplantının keçiriləcəyi otelə CHP sədri Kamal Kılıcdaroğlu gəlib və o da Rəcəb Tayyib Ərdoğanın yanına qalxıb. Ana müxalifət partiyasının sədrinin yanında partiya rəhbərliyində yer alan Faik Öztrak, Akif Hamzaçebi və Umut Oran olub.

Rəcəb Tayyib Ərdoğan və Kamal Kılıcdaroğlunun görüşü 10 dəqiqə çəkib. Daha sonra hər iki lider birlikdə toplantının keçiriləcəyi salona daxil olub.

Qeyd edək ki, Konstitusiyaya düzəlişlərlə bağlı keçirilən referendumdan əvvəl aparılan kampaniya zamanı Rəcəb Tayyib Ərdoğan çıxışlarının birində yeni Konstitusiyanın hazırlanmasını parlament seçkilərindən sonraya saxlanılmamasını istəyən Kamal Kılıcdaroğlunun səmimiyyətinə inanmadığını söyləyib. Kamal Kılıcdaroğlu isə baş nazirdən onun səmimiyyətinə nə üçün inanmadığını millətə anlatmasını istəyib.