Ürəyinizin tezliklə dayanacağını necə bilmək olar? - AÇIQLAMA

Palm Biç Ürək və damar klinikasının kardioloqları gözlənilən ürək dayanmasını necə aşkar etmək barədə vacib məlumatları paylaşıblar.

Lent.az xarici mediaya istinadən bildirir ki, onların sözlərinə görə, əvvəlki əlamətləri olmayan qəfil ölüm yoxdur.

Həkimlər vurğulayıblar ki, əsas amil gözlənilən ürək dayanmasının əlamətlərini erkən tanımaq bacarığıdır.

Kardioloqların apardığı araşdırmaya 35-65 yaş arası ürək dayanması keçirən 600 kişinin xəstəlikləri haqqında məlumatların təhlili daxil edilib. Nəticələr gözlənilən infarktdan xəbər verən bir neçə tipik əlamətləri aşkar edib.

İlk növbədə, sinə və ya sol çiyin ağrılarına diqqət yetirməlisiniz. Bundan əlavə, nəfəs darlığı, başgicəllənmə və ürək döyünməsinin qəfil dəyişməsi tez-tez olur.

Qarşıdan gələn ürək dayanmasını göstərə biləcək əlavə əlamətlərə huşunu itirmə, qan təzyiqinin qəfil artması və üz rənginin dəyişməsi daxildir. Həkimlər qeyd ediblər ki, əlamətlərin təxminən 80 faizi ani ürək dayanmasından dörd həftə və bir saat əvvəl ortaya çıxır.