Qaşıq-qaşıq yeyin - Qandakı şəkəri yox edir

Son illərdə sağlam qidalanma vərdişlərinin artması ilə təbii və qidalandırıcı məhsullara maraq da artıb. Xüsusilə lif baxımından zəngin olan bir taxıl, sağlamlığa olan müsbət təsirləri ilə ön plana çıxır.

Lent.az xarici mediaya istinadla bildirir ki, həzm sistemini tənzimləmə, ürək sağlamlığını qoruma və çəkiyə nəzarət etməyə kömək etmə kimi bir çox faydası olan bu qida, gündəlik rasionun ayrılmaz hissəsinə çevrilib.

Bu təbii taxılın tərkibindəki “beta-qlukan” adlı həll olan lif, xolesterin səviyyəsini azaldaraq ürək-damar xəstəlikləri riskini azaldır. Bundan əlavə, qan şəkərini balanslaşdırmaq xüsusiyyəti sayəsində şəkər xəstələri üçün də təhlükəsiz bir seçim təqdim edir.

Antioksidant və iltihabəleyhinə xüsusiyyətləri immun sistemini gücləndirir və dəri sağlamlığı üzərində də müsbət təsir göstərir. Uzun müddət toxluq hissi verdiyi üçün arıqlamaq istəyənlər tərəfindən də seçilir.

Yulaf sıyığı son illərdə sağlam qidalanma trendlərinin ayrılmaz bir parçası halına gəlib. Həm dadlı, həm də qidalandırıcı olan bu sadə resept sağlamlığımıza saysız-hesabsız faydası var.

Yulaf sıyığının başlıca sağlamlıq faydaları

Həzm sistemini tənzimləyir

Yulafın yüksək lif tərkibi həzm sisteminin düzgün işləməsinə kömək edir. Xüsusilə “beta-qlukan” kimi tanınan həll olunan lif, bağırsaq sağlamlığını qoruyaraq qəbizlik kimi problemlərin qarşısını alır. Müntəzəm istifadəsi bağırsaq hərəkətlərini artıraraq sağlam həzmi təmin edir.

Xolesterini azaldır və ürəyi qoruyur

Yulaf sıyığı xolesterin səviyyəsini aşağı salmaqda effektiv bir qidadır. Tərkibindəki beta-qlukan zərərli (LDL) xolesterinin sorulmasını azaldaraq ürək sağlamlığını dəstəkləyir. Müntəzəm yulaf qəbulu infarkt və iflic riskini azaltmağa kömək edə bilər.

Qan şəkərini balanslaşdırır

Yulaf, sağlamlıq baxımından bir çox faydası olan “superfood” kimi tanınır. Aşağı qlisemik indeksə malik olması sayəsində qan şəkərini yavaş-yavaş artırır və bu xüsusiyyəti ilə şəkər xəstələri üçün vacib üstünlük yaradır. Slavin (2005) tərəfindən aparılan bir araşdırmada yulafın qlisemik indeksinin aşağı olduğu və bu xüsusiyyəti ilə qan şəkərinə nəzarəti asanlaşdırdığı vurğulanır. Bu, qan şəkərində ani dəyişikliklərin qarşısını alaraq uzunmüddətli balans təmin edir.

Dəri sağlamlığını dəstəkləyir

Yulaf yalnız daxili sağlamlıq üçün deyil, xarici sağlamlıq üçün də faydalıdır. Tədqiqatlara görə, yulafın iltihabəleyhinə və antioksidant xüsusiyyətləri dəri sağlamlığına mühüm töhfələr verir. Draelos (2000) yulafın dəridəki qıcıqlanmanı azalda biləcəyini və dəriyə nəm balansı qazandıraraq dəri baryerini gücləndirdiyini açıqlayır. Yulaf yerli istifadə zamanı dərinin daha parlaq və sağlam görünməsini təmin edir.

İmmuniteti gücləndirir

Yulafın tərkibindəki beta-qlukanlar immun sistemini gücləndirmək qabiliyyəti ilə tanınır. Bohn, BeMiller və Karuna (2005), bu liflərin immunitetə müsbət təsir göstərdiyini və infeksiyalara qarşı müqaviməti artırdığını vurğulayır. Xüsusilə soyuqdəymə kimi xəstəliklərə qarşı immunitet sistemini dəstəkləyir.

Enerji verir

Yulaf mürəkkəb karbohidratlar baxımından zəngin olduğundan, bədənə uzunmüddətli enerji təmin edir. Səhərlər bir kasa yulaf sıyığı yemək, gün ərzində enerjili və tox qalmağınıza kömək edir. Anderson və Bridges (2010), yulafın aşağı qlisemik indeksi sayəsində bədənə enerji verdiyini və bu enerjinin yavaşca sərbəst buraxılaraq gün boyu toxluq hissi yaratdığını bildirir.

Yulaf sıyığı necə hazırlanır?

Yulaf sıyığı hazırlamaq olduqca sadədir. Yulafı süd və ya su ilə qaynadaraq tez bir zamanda sağlam və qidalandırıcı bir yemək hazırlamaq mümkündür. Müxtəlif araşdırmalar yulafın faydalı tərkibi ilə sağlam qida seçimi olduğunu və gündəlik rasiona daxil edilməli olduğunu göstərir.

Nəticə olaraq

Yulaf sağlamlığa olan müsbət təsirləri ilə ön plana çıxan və qidalandırıcı xüsusiyyətləri ilə tanınan bir qidadır. Müntəzəm istifadə zamanı həm daxili, həm də xarici sağlamlıq baxımından faydalarını qısa zamanda görmək mümkündür.