Kişilərə XƏBƏRDARLIQ: Telefonlardakı radiasiya sperma üçün zərərlidir

Cenevrə Universitetinin (UNIGE) avropalı alimləri qrupu İsveçrə Tropik və İctimai Sağlamlıq İnstitutu (Swiss TPH) ilə əməkdaşlıq edərək mobil telefonların yaydığı elektromaqnit şüalanmanın sperma (sperma kişinin reproduktiv qabiliyyətini təyin edən məsələlərdən biri də sperma sayıdır – red.) keyfiyyətinə zərərli olduğunu təsdiqləyib.

Lent.az-ın xarici mediaya istinadla xəbərinə görə, Müəlliflər 2005-2018-ci illərdə 18-22 yaş arası təxminən üç min kişidən toplanmış məlumatları təhlil ediblər. Tədqiqatçılardan həyat tərzləri, ümumi sağlamlıqları, telefonlarından nə qədər istifadə etdikləri və istifadə olunmayanda cihazlarını hara qoymaları ilə bağlı suallara cavab vermələri istənilib.

Nəticələr tez-tez smartfon istifadəsi ilə sperma konsentrasiyası arasında əlaqəni göstərib. Telefondan həftədə bir dəfədən çox istifadə etməyən kişilər qrupunda (56,5 milyon/millilitr) gündə 20 dəfədən çox telefonla işləyən kişilərlə (44,5 milyon/millitr) müqayisədə orta sperma konsentrasiyası əhəmiyyətli dərəcədə yüksək olub. Belə ki, mobil telefondan tez-tez istifadə edən və nadir hallarda istifadə edənlər arasında sperma keyfiyyətində fərq təxminən 21 faiz təşkil edir.

Xüsusilə, təhlil telefonun yerinin (məsələn, şalvarın cibində) statistik olaraq məruz qalmaya az təsir etdiyini göstərib. Bununla belə, telefonu bədənlərinə çox yaxın aparmayan insanların nümunəsi kiçik olduğundan, bu zaman qəti nəticə çıxarmaq çətindir. Bundan əlavə, işin düzgünlüyünə onun həyata keçirilməsi üsulu təsir göstərir.

Beləliklə, məlumatlar subyektlərin öz-özünə sorğulanması yolu ilə toplanıb. Hazırda bu məsələ ilə bağlı əsaslandırılmış nəticələr çıxarmağa imkan verəcək yeni bir araşdırmaya başlanılıb.