Oktyabrın 6-da Parisdə Azərbaycan Mədəniyyət Mərkəzində Mədəniyyət və Turizm Nazirliyinin sifarişi ilə “Salnamə” kinostudiyasında çəkilmiş “Parisdən məktublar” sənədli filmə baxış keçiriləcək. Bu barədə Lent.az-a kinostudiyadan məlumat verib.
Tədbirdə Fransanın ictimai-siyasi xadimləri, filmin baş məsləhətçisi, diplomat Ramiz Abutalıbov, səfirliyimizin nümayəndələri iştirak edəcək. Tədbirin təşkilatçısı Azərbaycanın Fransadakı səfirliyidir.
Görkəmli ictimai-siyasi xadim, Azərbaycan Xalq Cümhuriyyətinin (AXC) qurucularından biri və AXC parlamentinin ilk sədri Əlimərdan bəy Topçubaşovun siyasi fəaliyyətinə həsr edilmiş filmin rejissoru Tahir ƏLiyev, ssenari müəllifi İntiqam Qasımzadədir. Film fransız dilinə tərcümə olunub.
Qeyd edək ki, filmin təqdimatı bu ilin aprel ayında Bakıda olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
