Tanınmış yazıçı Aydın Talıbzadənin yeni kitabı - RAMANA

Tanınmış yazıçı Aydın Talıbzadənin yeni kitabı işıq üzü görüb.

ADMİU-nun “Teatrşünaslıq” kafedrasının müdiri, professor, sənətşünaslıq üzrə fəlsəfə doktoru, əməkdar incəsənət xadimi oxucularını sevindirib.

Lent.az xəbər verir ki, yazıçının “Ramana” adlı romanında hadisələri üç müxtəlif müstəvidə şəbəkələnir və üç mühüm predmetin iştirakı ilə yığılır: Nərd, Telefon və Telekamera.

Belə ki, romanda hər üç predmet əsərin dilsiz qəhrəmanıdır. Roman bir qumarbazın, bir nərd xiridarının Bakı-İsfahan-Ramana marşrutunda tale yaşantılarının, sevgisinin tarixçəsi, tədqiqatçının nərdin möhtəşəmliyi və mistikası haqqında apardığı söhbətləri və bir muzdlu əskərin müharibə bölgəsindən göndərdiyi video-selfiləridir. Onların hamısı 12 şəbəkə vasitəsilə bir-birinə birləşib bütövləşir.

Oxucunun ən çox diqqətini kitabın mündəricatı çəkir. Lap şer kimi səslənir.

I ZƏR KƏPƏNƏKLƏR

II ƏSƏR KÜLƏKLƏR

III KÜSƏR MƏLƏKLƏR

IV BİR TƏK SƏNƏ GÖRƏ

V DÖNƏR FƏLƏKLƏR

VI ÇILĞIN DƏRƏBƏKLƏR

VII ƏZİK ÇİÇƏKLƏR

VIII NƏRD ATƏŞİ İÇRƏ

IX TUTQUN BƏBƏKLƏR

X MƏNFUR GÖBƏLƏKLƏR

XI ÖLÜM BƏLƏKLƏR