İsrafil İsrafilov Türkiyəyə gedir

Mayın 17-dən 28-ə qədər İkinci Antalya Beynəlxalq Teatr Festivalı keçiriləcək. Festival çərçivəsində TÜRKSOY Beynəlxalq Türk Mədəniyyəti Təşkilatının üzvləri olan ölkələrin dövlət akademik milli dram teatrlarının direktorlarının müşavirəsi təşkil olunacaq.

Bununla əlaqədar olaraq Azərbaycan Dövlət Akademik Milli Dram Teatrının direktoru, sənətşünaslıq doktoru, professor İsrafil İsrafilov mayın 16-dan 19-a qədər Türkiyəyə işgüzar səfərə gedəcək.

Teatrın mətbuat xidmətindən Lent.az-a verilən məlumata görə, tədbir TÜRKSOY və Türkiyə Cümhuriyyəti Mədəniyyət və Turizm Nazirliyi Dövlət Teatrları Baş Müdirliyi tərəfindən təşkil edilib. Tədbirdə Azərbaycan, Qazaxıstan, Qırğızıstan, Türkiyə, Şimali Kipr, Tatarıstan, Başqırdıstan, Altay, Çuvaşıstan və Xakasiya dövlətlərinin teatrlarının Direktorlar Şurasının yaradılması və türk dövlətləri teatrlarının birgə əməkdaşlıq məsələləri müzakirə olunacaq.

Xəyalə Muradlı