Yaşar Nuri: “Qorxuram ki, büdrəyərəm...” - FOTO

“Səhnə məlhəmdir, bu məlhəmdən necə imtina etmək olar? Mən səhnəsiz yaşaya bilmərəm. Gələn aydan etibarən mən də səhnədə olacağam. Özümü buna hazırlayıram”.

Lent.az-ın məlumatına görə, bu sözləri jurnalistlərə açıqlamasında Akademik Milli Dram Teatrının açılışında iştirak edən görkəmli aktyor, yenicə müalicədən Vətənə dönən xalq artisti Yaşar Nuri deyib.

Aktyor illərdir, çalışdığı teatrın açılışında iştirak etməkdən məmnun olduğunu bildirib: “Qayıtmağımın səbəblərindən ən əsası teatrın açılışında iştirak etməkdir. Bəlkə də təmir vaxtı teatrın önündən ən çox keçən mən olmuşam. Hər keçəndə də bu səhnədə yenidən oynamağı arzu edirdim. Çıxış edəcəyəm də. Mən hələ çox yeni rollar oynayacağam. Hazırda yeriməyimdə problemlər var. Ona görə səhnəyə çıxmıram. Qorxuram ki, birdən səhnədə büdrəyərəm. Çünki mən indiyə kimi bir dəfə də səhnədə büdrəməmişəm”.

Yaşar Nuri “Zirvə” mükafatına layiq görüldüyünə görə, Mədəniyyət və Turizm Nazirliyinə də öz təşəkkürünü bildirib və bütün həmkarlarını Milli Teatr Günü münasibətilə təbrik edib.

Xəyalə