“Eurovision”un milli yarımfinalında finala 3 namizəd çıxacaq
16 yanvar 2010 13:30 (UTC +04:00)

“Eurovision”un milli yarımfinalında finala 3 namizəd çıxacaq

Bu ilin mayında Osloda keçiriləcək “Eurovision-2010” müsabiqəsində Azərbaycan təmsilçisinin seçilməsi üçün fevralın 2-də “Buta Palace”da keçiriləcək milli yarımfinal konsertində altı namizəddən üçü finala keçəcək.

Müsabiqənin Azərbaycan üzrə nümayəndə heyətindən APA-ya verilən məlumata görə, fevralın 2-də keçirilən milli seçimlərdən yarımfinala vəsiqə qazanan altı namizəd hazırladığı mahnıları ifa edəcək.

Namizədlərin, eləcə də konsertin qonaqlarının ifalarından sonra milli münsiflər heyətinin qərarı ilə finala keçən üç namizədin adı məlum olacaq. Daha sonrakı mərhələdə isə həmin üç namizəddən biri Azərbaycanı “Eurovision-2010” müsabiqəsində təmsil etmək şansı qazanacaq.

Qeyd edək ki, 55-ci “Eurovision” müsabiqəsinin mayın 25-i və 27-də yarımfinal, 29-da isə final mərhələsi keçiriləcək. “Eurovision-2010” müsabiqəsində Avropanın 39 ölkəsi iştirak edəcək.
# 447

Oxşar yazılar