Zəngin və... Dünyanın ən bahalı küçəsi -VİDEO

Uzun müddətdir ki, Nyu-Yorkun Yuxarı Beşinci prospekti "dünyanın ən bahalı küçəsi" adını daşıyırdı, lakin bu yaxınlarda İtaliyanın Milan şəhərindəki Via Montenapoleone küçəsi onu geridə qoyub.

Lent.az-ın xarici mediaya istinadla xəbərinə görə, Via Montenapoleone təkcə turistləri deyil, həm də dünyanın hər yerindən ən zəngin insanları cəlb edir. Onların bir çoxu bir alış-verişə ən azı 2500 avro xərcləyir ki, bu da dünyada ən yüksək orta hesabdır.

Milan iki moda həftəsi və Dizayn həftəsi kimi tədbirlər sayəsində son illərdə lüks turizm bumu görüb.

Via Montenapoleonenin dünyanın digər məşhur alış-veriş küçələri üzərində mühüm üstünlüyü onun nisbətən kiçik ölçüsüdür. Onun uzunluğu 400 metrdən azdır, yəni pərakəndə satış sahəsi çox məhduddur və buna görə də çox bahadır.

Dünyanın ən bahalı küçəsindəki binalar milyardlarla dollara satıla bilər və yalnız Fendi, Prada və ya Versace kimi ən böyük moda brendləri hər kvadrat metri orta hesabla 20.000 avro olan kirayəni ödəyə bilər.

Montenapoleone rayon Assosiasiyasının prezidenti Qulelmo Miani deyib: "Küçədə hər şey yerləşə bilməz və bu yaxşıdır, çünki məhdud yer küçəni daha da eksklüziv və dinamik edir".