Pişiklər yalnız sevinc bəxş etmir, həm də insanın psixi və fiziki sağlamlığına müsbət təsir göstərir. Onların mülayim mırıltısı, sakitliyi və sədaqəti stres səviyyəsini azaldır, emosional dayanıqlığı gücləndirir və ümumi əhval-ruhiyyəni yaxşılaşdırır.
Bu barədə Lent.az məlumat verir:
1. Pişiklər təkliyə qarşı kömək edir
Bir çox insanlar üçün pişiklər ailə üzvü kimi qəbul olunur. Araşdırmalara görə, ev heyvanı sahiblərinin 80%-dən çoxu pişiklərini “övladları” adlandırır və hətta onların doğum günlərini qeyd edir. Bu münasibət emosional bağları dərinləşdirir, tənhalıq və narahatlıq hissini azaldır. Pişiklə oynamaq, onun davranışını izləmək və maraqlı vərdişlərinə şahid olmaq xoşbəxtlik hormonlarının ifrazını artırır və emosional dəstək hissi yaradır.
2. Pişiklər stres səviyyəsini azaldır
Pişiklər insanın sinir sisteminə sakitləşdirici təsir göstərir. Bir tədqiqat zamanı stresli tapşırıqları pişik yanında yerinə yetirən iştirakçılar ən aşağı qan təzyiqi və ürək döyüntüsü göstəricilərinə malik olublar. Cəmi 10 dəqiqəlik ünsiyyət belə kortizol (stres hormonu) səviyyəsini azaldır. Pişiklə davamlı təmas zamanı isə bu effekt daha uzunmüddətli olur.
3. Pişiklər emosional vəziyyəti yaxşılaşdırır
Pişiklərlə ünsiyyət insanda sakitlik, inam və balans hissi formalaşdırır. Onlarla vaxt keçirən insanlar daha mərhəmətli, diqqətli və sosial baxımdan açıq olurlar. Xüsusən də narahatlıq və ya ünsiyyət çətinliyi yaşayanlar üçün pişiklər emosional dayaq rolunu oynayır. Onların varlığı təhlükəsizlik və rahatlıq atmosferi yaradır, daxili harmoniyanı bərpa etməyə kömək edir.
4. Pişiklər fiziki sağlamlığa da xeyirlidir
2022-ci ildə aparılan araşdırma göstərib ki, pişiklərlə gəzintiyə çıxmaq yalnız əhvalı yüksəltmir, həm də fiziki aktivliyi artırır və ürək-damar xəstəliklərinin riskini azaldır. Ən maraqlı məqam isə pişiklərin mırıltısıdır onların 25-150 hers diapazonundakı səsi insanın ürək-damar və tənəffüs sisteminə müsbət təsir göstərir. Alimlər hesab edirlər ki, bu səs rahatlama hissini gücləndirir və ürək xəstəlikləri riskini azalda bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
