Payızda yarpaqların rənglənməsi, hər yerdə balqabaqların görünməsi və havanın soyuması bir çox insanda əhvalın enməsinə səbəb ola bilər. Xüsusən də payızdan qorxan insanlar var, çünki bu dövrdə onlar mövsümi halsızlıq və ya kədər yaşayırlar.
Böyük Britaniyada aparılan araşdırmalara görə, böyüklərin təxminən 3%-i “mövsümi affektiv pozğunluq” (MAP) adlanan ciddi qış depressiyasından əziyyət çəkir.
Lent.az xarici mediaya istinadla xəbər verir ki, psixiatrik diaqnozu olmayan insanlar belə soyuq aylarda özlərini daha az xoşbəxt hiss edə bilərlər.
Nə etmək olar?
Fəsilləri dəyişmək mümkün deyil, amma onlara uyğunlaşmaq hər kəsin əlindədir. Britaniyalı ailə həkimləri hesab edir ki, sadə gündəlik vərdişlər psixi sağlamlığı qorumaqda çox təsirlidir:
Açıq havada vaxt keçirmək – gün işığı insanın əhvalını yaxşılaşdırır.
Keyfiyyətli yuxu – orqanizmin bərpası və stresin azalması üçün vacibdir.
Düzgün qidalanma – vitamin və minerallarla zəngin qida bədəni mövsümə hazır edir.
Fiziki aktivlik – idman endorfin ifrazını artıraraq əhvalı yüksəldir.
Alkoqolun məhdudlaşdırılması – artıq içki depressiv vəziyyəti daha da gücləndirir.
Ünsiyyət və sosial əlaqələr – ailə, dostlar və ya könüllü fəaliyyət insana mənəvi güc verir.
Sadə addımların gücü
Həkimlər vurğulayırlar ki, bu sadə məsləhətlər çox vaxt dəyərsiz görünə bilər, amma onlar doğrudan da işləyir. Özünə qayğı göstərmək hər kəsin bacara biləcəyi bir şeydir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
