Miçiqan Universitetinin tədqiqatçıları Yer kürəsində suyun mənşəyi ilə bağlı yeni fərziyyə irəli sürüblər. Onların fikrincə, su ehtiyatlarının əhəmiyyətli bir hissəsini Mars və Yupiter arasındakı asteroid qurşağından olan qaranlıq kometlər planetimizə çatdıra bilərdi.
Lent.az xarici KİV-ə istinadən xəbər verir ki, asteroidlərin və kometlərin hibridləri olan qaranlıq kometlərdə yeraltı buz ola bilər.
"Bu obyektlər həm qayalı, həm də buzlu cisimlərin xüsusiyyətlərinə malikdir və onları daxili Günəş sisteminə potensial su daşıyıcıları halına gətirir", - astronomiya üzrə aspirant və tədqiqatın aparıcı müəllifi Aster Taylor izah edib.
Tədqiqat Yerə yaxın obyektlərin 60 faizə qədərinin qaranlıq kometlər ola biləcəyini müəyyən edib. Bu cisimlər buzun sublimasiyasını göstərən qeyri-qravitasiyalı sürətlənmələr nümayiş etdirir ki, bu da onların orbitlərində dəyişikliklərə və kiçik hissələrə parçalanmasına səbəb ola bilər.
Taylor əlavə edib: "Hələ qaranlıq kometaların Yerə su çatdırdığını deyə bilməsək də, onlardan alınan məlumatlar bu çatdırılmanın necə həyata keçirildiyini və hansı proseslərin baş verdiyini anlamağa kömək edir."
Analiz üçün yeddi qaranlıq komet, o cümlədən Yupiter ailəsi kometlərinin trayektoriyası ilə üst-üstə düşən orbitdə hərəkət edən 2003 RM obyekti tədqiq edilib. Bu nəticələr qaranlıq kometaların Yer kürəsinin yaxınlığında suyun nəqli zəncirində mühüm halqa ola biləcəyi fərziyyəsini dəstəkləyir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
