"Qaranlıq və şər əsri": Amerikalı öncəgörən bu il böyük müharibə proqnozlaşdırır

İsrail və HƏMAS arasında müharibə olacağını iddia edən ABŞ-ın Minnesota ştatında yaşayan xristian öncəgörən Coşua Giles 2025-ci ildə böyük dünya müharibəsinin olacağını iddia edir.

Lent.az-ın xarici mediaya istinadla məlumatına görə, öncəgörən iddia edir ki, 2023-cü ilin yayında o, növbəti il nə baş verəcəyini təsəvvür etməyə başlayıb.

"Paylaşdığım son öncəgörənliklərdən biri Birləşmiş Ştatlara qarşı gördüyüm terror hücumlarının artması ilə bağlı idi. Düşünürəm ki, daha çox qaranlıq və ya şər olacaq", - Giles deyir.

Bu, keşişin ilk proqnozu deyil. 2020-ci ildə o, 2023-cü ilin oktyabrında İsrail və HƏMAS arasında "zorakılıq və müharibənin yenidən canlanacağını" deyib.

"Mənə dedilər ki, 2025-ci il potensial olaraq dünya üçün müharibə erasının başlanğıcı olacaq. Mən Ukraynada və İsraildə gördüklərimizi bilirəm, lakin bu münaqişələrin müəyyən ərazilərdə genişləndiyini görmüşəm. Allah mənə göstərdi ki, bu münaqişələr Amerika və digər ölkələri əhatə edə biləcək daha geniş bir şeyə çevrilə bilər", - deyə görücü qeyd edir.

Onun sözlərinə görə, öncəgörənliklərinin sonuncusu ABŞ-a qarşı gördüyü terror hücumlarının sayının artması ilə bağlı olub:

"Beləliklə, mən həqiqətən inanıram ki, bu, məhz belə bir dövrdür. Düşünürəm ki, daha çox qaranlıq və ya pislik artacaq. Amma mən hər kəsi yaxşılığa diqqət yetirməyə təşviq edirəm".

Bəzi görüntülər və mesajlar qaranlıq olsa da, Giles gələn ilin də ümid vaxtı olacağını söyləyib:

"İnsanların sağalmaz olduğunu düşündüyü ümumi xəstəliklər üçün müəyyən müalicələr gördüm".

Qeyd edək ki, astrologiya, tarologiya, numerologiya, falçılıq, ekstrasenslik elm deyil və proqnozlar həmişə 100% gerçəkləşmir. Məlumat çox vaxt əyləncəli xarakter daşıyır, buna görə də ciddi qəbul edilməməlidir. Ancaq hər bir insanın həyatını yaxşılığa doğru dəyişdirmək üçün ruh gücü və ilhamı varsa, yaradıcısı ola biləcəyi hadisələrin ehtimalı kimi qəbul edilməlidir.