Onlarla ciddi sevgiyə arxalanmayın: Bu bürclər münasibətdən tez sıxılır

Bir çox bürc nümayəndələri ilk görüşə müsahibə kimi yanaşır. Onlar həyatlarının qalan hissəsi üçün güclü münasibət qurma şanslarını qiymətləndirmək üçün perspektivli partnyor haqqında hər şeyi bilmək istəyirlər. Bəziləri isə qarşıdakı insanla sadəcə yaxşı vaxt keçirmək istəyirlər. Buna görə də münasibətlərin nə qədər davam edəcəyinə əhəmiyyət vermirlər. Bu bürc nümayəndələri heç vaxt ciddi bir şey axtarmadıqları üçün tətil sevgisi və ya iş romantikası kimi qısa müddətli əlaqələrdən xoşbəxtdirlər. Onların münasibətləri tez parlayır, lakin tez də sönür.

Lent.az uzun müddətli münasibətlərdən tez sıxılan bürcləri təqdim edir:

Qoç

Qoçlar cəsarətli insanlardır. Onlar həm də astroloji ilin ilk əlamətidir, yəni hər şeyi yaxşı başlayır, lakin yaxşı bitirmirlər.

Qoçlar hər şeyin yeni və əyləncəli olduğu münasibətin başlanğıcında inanılmaz dərəcədə həyəcanlanan, lakin zaman keçdikcə tez bir zamanda marağını itirən insanlardır. Kiçik bir mübahisədən və ya anlaşılmazlıqdan sonra və ya sadəcə həyatlarında başqa yeni birinin olduğu üçün əlaqələri bitirə bilərlər.

Əkizlər

Əkizlər tez aşiq olur və anidən də münasibəti bitirirlər. Sabit uzun müddətli əlaqələrə sahib olmaq Əkizlərin təbiətinə uyğun deyil. Əvvəlcə istədiklərinin bu olduğunu düşünsələr də, bir müddət sonra yeni sevgi axtarışına qaçırlar. Çünki əkizlər daim dəyişikliyi sevir. Bunun üçün də əgər həyatınızda bir əkiz bürcü varsa, gələcək planlaşdırmaq üçün çox da tələsməyin.

Oxatan

Oxatan bürcləri azadlıqlarına düşkün insanlardır. Onlar hər daim aşiq olmağa hazırdırlar, Ancaq təəssüf ki, bu bürcün nümayəndələri də tez alışıb, tez sönənlərdəndir. Onlar üçün bir münasibətdən digərinə keçid etmək çox asandır.

Oxatanlarla münasibət quran şəxslər əsl sevgini, romantikanı yaşayacaqlar. Amma iş bağlanmağa gəldikdə, hüsranla qarşılaşacaqlar. Oxatanlar daim rahatlıqlarını və azadlıqlarını sevdiklərini qarşı tərəfə bildirəcək. Bunun üçün də onların uzun müddətli münasibəti çox vaxt alınmır.