İlanın xoşuna gəlməyəcək: 2025-ci ildə Yeni il ağacına hansı bəzəklər asılmamalıdır?

Yeni il ən atmosferli bayramlardan biridir. Darçın və sitrus meyvələrinin qoxusu, isti işıqlandırma evdə xüsusi bir rahatlıq yaradır və bayramın əsas ulduzu həmişə şam ağacıdır.

Lent.az-ın xarici KİV-ə istinadla xəbərinə görə, yeni il 2025 üçün trend təbii və parlaq çalarların birləşməsidir. Əlbəttə ki, bu dəfə palitrada Şərq təqviminə görə İlan ilinin rəngi aparıcı yer tutur-yaşıl.

Yeni il ağacınızın ənənəvi tünd yaşıl rəngi olsa belə, onun üçün açıq yaşıl rəngli bəzəklər seçə bilərsiniz.

Ağacın özü yalnız yaşıl deyil, həm də ağ və ya gümüşü rəngdə ola bilər — fərqli rəngli süni ağaclarda bəzəklər fərqli görünəcək, amma qətiyyən daha pis deyil.

Ağacı zərif lentlər, monoxromatik bəzəklər, kiçik oyuncaqlar ilə bəzəyin, kölgələrin təmkinli palitrasını seçin.

Rəngarəng və kütləvi dizaynlar keçmişdə qaldığından, həcmli rəngli çələngləri başqa vaxta saxlaxmaq daha yaxşıdır. Ekspertlər qeyd edirlər ki, onlar bir qədər köhnəlmiş görünürlər və buna görə də yalnız Yeni il əhval-ruhiyyəsini korlayacaqlar.

Kiçik fənərləri, gümüşü və ya qızılı işıqları seçin.

Bu il Yeni il ağacı üçün dekorasiya seçərkən aşağıdakılardan çəkinməlisiniz:

• kütləvi, ağır zərgərlik əşyaları

• plastik dekorasiyadan

• açıq desək, köhnəlmiş bəzəklərdən

• həcmli çələnglərdən

Stilistlər klassik rəng birləşmələrindən, xüsusən də qırmızı və yaşıl rənglərdən imtina etməyi və yeni bir şey sınamağı təklif edirlər.