Xalq artisti qızından imtina edir, o isə əl çəkmir

Aktrisa-aparıcı Kəmalə Quliyeva bir neçə gün öncə mətbuata açıqlamasında xalq artisti Nurəddin Mehdixanlının qızı olmasını deyib. Lent.az xəbər verir ki, N. Mehdixanlı bu məlumatın həqiqəti əks etdirmədiyini deyib: “Mənim Kəmalə Quliyeva adında qızım yoxdur”.

N. Mehdixanlının açıqlamasından sonra bu mövzuya K.Quliyeva aydınlıq gətirib. Lent.az-ın geccə.az-a istinadən verdiyi məlumata görə, aparıcı bir çox məqamlara yenidən toxunub: “Atam həmin sözləri ilə böyük səhv etdi. O, bunu zamanla anlayacaq. Əslində Nurəddin müəllimdən ayrı yaşasaq da anam və mən hər zaman onunla əlaqə saxlamışıq. Lakin, saytların birində məndən icazəsiz bu xəbəri yazması arada olan xoş münasibəti bitirdi. Atam çox qəzəbli insandır. Anam onunla 20 il öncə qısqanclığa görə ayrılıb. Çünki, atamın hər zaman əhatəsi böyük olub. Xanım dostlarının da çox olmasına anam dözə bilmədi və boşandılar. O zaman mənim 10 yaşım olardı. Onun hazırda öz ailəsi var və istəmirəm ki, bu söhbət daha da uzansın. O, mənim atamdır, özü də ,dostları da bunu çox yaxşı bilir və mən bunu sübut etməyə hazıram”.