Azərbaycanlı müğənni Nurlan Təhməzlinin ifa etdiyi “Gəl evlənək” adlı bəstə müzakirələrə səbəb olub. Lent.az-ın məlumatına görə, bir çox dinləyicilər N.Təhməzlinin ifa etdiyi bu mahnının erməni müğənni Razmik Amyanın ifa etdiyi “Vay-vay” mahnısının eynisi olduğunu iddia edib.
İfaçı özü isə ittihamlara bu cür şərh verib: “Bu, erməni mahnısı deyil! Musiqidən anlayışı olan hər kəs mahnıya qulaq asarkən bunu təsdiqləyəcək. Mahnını şəxsən özüm, milli rəqs havalarımızdan ilhamlanaraq yazmışam. Bəzi dinləyiciləri çaşdıran məqam isə, mahnının sonunda dediyim - “Bay, bay, bay” ifadəsidir. Nədənsə, bəziləri bunu ermənisayaq “Vay, vay”la səhv salıblar. Klipə diqqətlə baxanlar buna əmin ola bilər”.
Qeyd edək ki, “Gəl evlənək” mahnısının musiqisi ifaçının özünə, sözləri isə Zülfi Bədəlova məxsusdur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
