Azərbaycanı “Eurovision 2016” mahnı müsabiqəsində təmsil edəcək Səmra Rəhimlidən xəbər var. Lent.az-ın məlumatına görə, Səmra rusiyalı təmsilçi Sergey Lazarev, tanınmış müğənni Filipp Kirkorovla birgə tədbirlərin birinə qatılıb. Məşhurlarla bir araya gələn təmsilçimiz onlarla şəkil çəkdirib. Onun gecəyə geyindiyi libas isə sosial şəbəkədə birmənalı qarşılanmayıb.
Xatırladaq ki, bu gün “Eurovision 2016”nın birinci yarımfinalıdır. S.Rəhimli birinci yarımfinal günü 14-cü sırada səhnəyə çıxacaq.
Qeyd edək ki, ikinci yarımfinal isə mayın 12-də baş tutacaq. Müsabiqənin birinci yarımfinalında 18, ikinci yarımfinalında isə 19 ölkə çıxış edəcək. Bütövlükdə 37 ölkə birincilik uğurunda yarışacaq. Fransa, İtaliya, Almaniya, İspaniya, İsveç və Böyük Britaniya finala bir başa vəsiqə qazanan ölkələrdir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
