İctimai televiziyada yayımlanacaq “Böyük səhnə” layihəsinin komandası “Eurovision-2014” beynəlxalq müsabiqəsində Azərbaycanı təmsil edəcək iştirakçını müəyyən etmək üçün regionlarda seçim turlarına başlayıb. Lent.az-ın məlumatına görə, seçim turunun ilk mərhələsi ötən gün Qubada baş tutub. Münsiflər heyəti fərqlənən iştirakçıları növbəti tura dəvət ediblər.
Xatırladaq ki, 2-ci seçim turu yanvarın 15-16 Bakıda keçiriləcək.
Onu da əlavə edək ki, “Böyük səhnə” – Azərbaycan teleməkanında yeni beynəlxalq musiqi layihəsidir.
Qeyd edək ki, “Böyük səhnə” layihəsinin seçim turu paytaxt daxil olmaqla ölkənin 8 ən iri şəhərlərini əhatə edəcək. Bakıdakı super-kastinqin nəticələrinə görə isə üç finalçı 4 həftə ərzində ən yaxşı vokal, xoreoqrafiya, aktyor sənəti peşəkarlarından təhsil alacaq.