Xalq artisti Kamil Cəlilov II Fəxri xiyabanda dəfn olunub.
Lent.az xəbər verir ki, musiqiçi bu dəqiqələrdə torpağa tapşırılıb.
***
13:05
Xalq artisti Kamil Cəlilov Bilgəhdə dəfn olunacaq.
Lent.az xəbər verir ki, bunu APA-ya açıqlamasında qızı Gülşən Cəlilova bildirib.
O, mərhum qaboy ifaçısı Kamil Cəlilovun öz vəsiyyəti ilə həyat yoldaşının yanında dəfn ediləcəyini deyib.
Dəfn bu gün günorta saatlarında baş tutacaq.
***
09:15
Azərbaycanın Xalq artisti, qoboyçusu, bəstəkarı və pedaqoqu Kamil Cəlilov dünyasını dəyişib. Lent.az xəbər verir ki, 84 yaşında vəfat edən musiqiçi bu gün torpağa tapşırılacaq.
Qeyd edək ki, 1938-ci il yanvarın 29-da Buzovnada anadan olan K.Cəlilov qoboy alətini muğam janrına gətirən ilk ifaçıdır. Bəstəkar Fikrət Əmirovun qoboy və fortepiano üçün "Altı pyes"inin ilk ifaçısıdır. 1990-cı ildə Kamil Cəlilovun ifa etdiyi "Zəminxarə" muğamı Qara Yanvar hadisələri ilə sıx əlaqələndirilir. Ailəli idi, 3 qızı var.
Xatırladaq ki, xalq artisti, qoboy alətinin mahir ifaçısı bu yaxınlarda 31-ci ildönümünü qeyd etdiyimiz 20 Yanvar faciəsinin ağrı-acısının musiqi dili ilə xalqa çatdırılmasında böyük xidmətlər göstərib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
