Onu uşaq bilib zorla...

“Buğlama” komediya-şousu, həmçinin sosial şəbəkələrdəki aktiv iştirakı ilə ilə tanınan bəstəboylu aktyor Amil Verdiyev maraqlı xatirəsini paylaşıb.

Lent.az-ın məlumatına görə, o 7 yaşlı oğlu Hüseyinin oxuduğu məktəbə ilk dəfə valideyn iclasına getməsindən danışıb.

Gülməli hadisə də orda baş verib.

“Oğlumun oxuduğu sinifin qapısı ağzında dayanıb digər valideynlərin gəlməsini gözləyirdim. Zəng vuruldu. Müəllim bütün birinciləri qabağına qatıb sinfə saldı. Uşaqlar hay-küylə otağa doluşdular. Müəllim onlara qatıb məni də içəri itələdi. O səs-küyün içində “mən uşaq deyiləm, valideyinəm” desəm də, dinləmədi. Üstümə hirsləndi ki. sus gir içəri. .Hamı yerində oturandan sonra dayanmışam lövhənin qabağında. Müəllim də bir az çaş-baş qaldı, dedi ki, siz nə gəzirsiniz burda? Dedim bayaqdan qabağına qatıb gətirirsən, deyirəm də eşitmirsən. Mən uşaq deyiləm, valideyinəm” - o bildirib.

Aktyor əlavə edib ki. ilk gün hamı onun bəstə boyuna görə təəccüblənsə də, sonralar bu vəziyyətə alışıblar.