İki kişi ilə video çəkdirən porno ulduz eyvandan yıxılıb öldü

Braziliyada böyüklər üçün kontent yaradıcısı iki kişini üçlü çəkilişə dəvət etdikdən sonra otelin eyvanından faciəvi şəkildə yıxılaraq ölüb.

Lent.az-ın xarici mediaya istinadla xəbərinə görə, faciə braziliyalı bloqqerin tatuaj etdirərkən müəmmalı ölümündən iki gün sonra baş verib.

Bildirilir ki, sosial şəbəkədə Anna Polli kimi tanınan Ana Beatris Pereyra Alves Rio-de-Janeyronun şimal-qərbində, Nova İqako şəhərində otelin həyətində ölü tapılıb.

Bunun ardınca Braziliya rəsmiləri porno ulduzun qəribə ölümünü araşdırmağa başlayıb. Aktrisanın onlayn böyüklər üçün kontent platforması üçün iki kişi ilə riskli səhnələri çəkərkən balkondan yıxıldığı güman edilir.

İddialara görə, iki kişinin indiyədək heç biri həbs edilməsə də, eyvandan dəhşətli düşməyə aparan hadisələrlə bağlı ziddiyyətli dəlillər təqdim edilib.

İstintaq qrupu hazırda araşdırma çərçivəsində otelin təhlükəsizlik kameralarının qeydlərini diqqətlə araşdırır və artıq işçilər dindirilib. Müstəntiqlər Annanın mobil telefonunu da yoxlayırlar.

Yarılmanın nəticələri hələ açıqlanmayıb, ona görə də Annanın orqanizmində narkotik aşkar edilib-edilmədiyi və ya onun cinsi zorakılığa məruz qaldığını göstərən əlamətlər məlum deyil.

Polis porno ulduzun ölümü ilə bağlı istintaqı "mürəkkəb" adlandıraraq, bədbəxt hadisə və ya cinayət olub-olmaması ilə bağlı bütün ehtimalları nəzərdən keçirdiklərini bildirib.

Yerli məlumatlara görə, hadisə dördulduzlu Mont Blanc otelində baş verib. İnternetdə bir polis məmurunun Annanın qanlı mələfə örtülmüş cəsədinin üzərində dayandığını göstərən görüntülər yayılıb.

Onun sevgilisi Pedro Enrike Braziliyanın "Quem" jurnalına verdiyi müsahibədə "Bu işlə bağlı bütün məlumatlar artıq polisin əlindədir və onlar araşdırır" deyib: "Əgər kimsə günahkardırsa, cəzasını çəkəcək və günahkar tapılacaq. Vaxt yox idi onu xilas etmək üçün”.