80 min lirəyə alnına “Enayi” döyməsi etdirdi

Yutuber Orkun Işıtmakın təqdim etdiyi “Açık Eksiltme” adlı yarışma proqramında maraqlı anlar baş verib.

Lent.az Türkiyə mətbuatına istinadən xəbər verir ki, bir yarışmaçı, 80 min lirə qarşılığında alnına qalıcı olaraq “enayi” sözünü döymə etdirib.

Proqramın formatına əsasən, yarışmaçılar müəyyən tapşırıqları ən aşağı təkliflə qəbul edirlər. Yarışmaçı alnına qalıcı döymə etdirmək təklifini ən aşağı qiymətə, 80 min lirəyə razılaşıb və döyməni etdirib.

Bu hadisə sosial mediada geniş müzakirələrə səbəb olub. Bəzi istifadəçilər yarışmacının aldığı pulun dəyərini müzakirə edərkən, bəziləri isə məzmun istehsalı adına edilən bu cür hərəkətlərin sərhədləri aşdığını vurğulayıb. Bir çox şərhçi isə yarışmacının qərarına hörmət göstərilməsi lazım olduğunu bildirib.