Azəri Güneli təəccübləndi, əlindəki qab yerə düşdü

Lent.az-ın məlumatına görə, fanatlar görüşə 2 saat əvvəl gəliblər. Sənətçi bildirib ki, son günlər yaşadığı hadisələrdən sonra Azərbaycanda necə sevildiyinə əmin olmaq üçün fanatlarını görüşə çağırıb.

Fanatlar müğənni orijinal şəkildə qarşılayıblar. Qapıdan içəri girən Günel öz repertuarından mahnılarını sevənlərinin ifasında eşidib. Müğənni bol-bol hədiyyələr və sürprizlərlə qarşılaşıb.

Güneli sevindirən gözlənilməz hadisə Türkiyədə yaşayan fanatının Azərbaycana, fanat görüşünə gəlməsi olub. Fanat bildirib ki, sevimli müğənni ilə Türkiyədə istənilən məkanda rastlaşma imkanı var. Lakin bu görüşü Güneli sevindirmək üçün planlayıb: “Onun bu sürprizə reaksiya verəcəyinə əmin idim”.

Qeyd edək ki, fanatı görən Günel təəccübünü gizlədə bilməyib və əlindəki qab yerə düşüb. Stəkan sınsa da fanatlar bunu pis əlamət kimi qarşılamayıb.

Müğənni görüşdə mini-konsert də verib.

Lalə Yusifqızı