Prodüser: “Təranə sübut eləsin ki, kişi deyiləm”

Müğənni Kərimin prodüseri Təranəni məhkəməyə verir

Müğənni Kərimin prodüseri Rüfət İsmayılov Kərimin keçmiş həyat yoldaşı Təranə Səmədovanı məhkəməyə verməyə hazırlaşır.

Bu barədə Lent.az-a Rüfət İsmayılovun özü məlumat verib. Kərimin prodüseri T.Səmədovadan 30 min manat məbləğində mənəvi təzminat tələb edir: “30 min manatı ona görə tələb edirəm ki, bu müddətdə çox iş görə bilərdim. Ancaq heç kim mənimlə işləmək istəmir. Çünki Təranə haqqımda çox pis sözlər söyləyib, “kişi kimi kişi, arvad kimi arvad deyil”, - deyib. Guya, mən ailə dağıtmışam, qoy Təranə mənə sübut etsin ki, həqiqətən kişi deyiləm”.

Rüfət İsmayılov Təranənin iddialarına görə ailəsi arasında problem yarandığını bildirib: “Küçədə sərbəst gəzə bilmirəm. Bacımı mənimlə düşmən edib, ailəmdə böyük problemlər yaşamışam. Qoy, itirdiklərimi Təranə pulla qarşılasın. Əgər pulu yoxdursa, cəza evində otursun”.

Qeyd edək Təranə və Kərim də bir-birlərini məhkəməyə verib, qarşılıqlı iddia qaldırıb.

Leyla