Unudulmuş və ən sakit "qanuni oğru" ölkədən QOVULDU

Dekabrın 6-da Vnukovo hava limanında İstanbuldan gələn kimi Rusiya Daxili İşlər Nazirliyinin Cinayət Axtarış Baş İdarəsinin əməkdaşları “Sarkis Selviyan” kimi tanınan “qanuni oğru” 63 yaşlı Hot Klyuçevskini oğru saxlayıblar. O, türk səlahiyyətliləri tərəfindən arzuolunmaz bir şəxs olaraq ölkədən qovulub.

Lent.az xəbər verir ki, profilaktik söhbətdən sonra “oğru”ya yaxınları ilə görüşmək, sonra isə əməliyyat vəziyyətinin pisləşməməsi üçün müstəqil şəkildə ölkəni istədiyi istiqamətə tərk etmək imkanı verilib. Əməliyyatçılar onun “qanuni oğru” olub-olmadığını soruşduqda, Sarkis müdrikcəsinə birbaşa cavab verməsə də, bunun əksinə şübhə etməyə əsas verməyib.

Otuz ildən artıq “oğru” fəaliyyəti ərzində Sarkis o qədər gözə dəyməz və sakit olub ki, demək olar hamı onu unudub. Onun kriminal “ailə”yə 1993-cü ildə qoşulduğu dəqiq bilinir, lakin onun xaç atalarının kim olduğu barədə fikir birliyi yoxdur. Bəziləri Amiran Gegeçkori və Teko Kakuçayın adlarını çəkirlər.

Oğru dünyasının tarixi üzrə başqa bir ekspertin fikrincə, o zaman Krasnodar diyarında, xüsusən Sarkisin olduğu Qara dəniz sahilində siyasəti Rantik və İvan-Ruka təyin edirdi, onlarsız Sarkisin də tacqoyma mərasimi mütləq baş tutmazdı. Ümumiyyətlə, biri digərini istisna etmir və həqiqət böyük ehtimalla ortadadır.

Sarkis Rusiyada kriminal iyerarxiyadakı ən yüksək vəzifəsinə görə axtarışda olmayıb və indi o, qısa müddət ərzində yenidən unudula bilər.