Sumqayıtda 70 yaşlı kişi gəlinini və nəvəsini baltalayıb.
Lent.az xəbər verir ki, hadisə şəhərin 4-cü mikrorayon adlanan ərazisində qeydə alınıb. 70 yaşlı Şahbala Mirzəməmmədov gəlini 40 yaşlı Sevinc Məhərrəmova və 9 yaşlı nəvəsinə balta ilə xəsarətlər yetirib.
Məlumata görə, Ş Mirzəməmmədovun oğlu Ruslan Mirzəməmmədov Rusiyada işləyir. Saxlanılan kişi ifadəsində gəlininin ərinə xəyanət etdiyini deyib.
Məsələ barədə Daxili İşlər Nazirliyi mətbuat xidmətinin əməkdaşı, polis mayoru Anar Qafarov Lent.az-a bildirib ki, hazırda faktla bağlı araşdırma aparılır:
“Hadisə zamanı 1953-cü il təvəllüdlü Şahbala Mirzəməmmədov 1983-cü il təvəllüdlü Sevinc Məhərrəmova və 2014-cü il təvəllüdlü nəvəsinə kəsici alətlə xəsarətlər yetirib. Hər iki yaralı dərhal xəstəxanaya yerləşdirilib. Sumqayıt ŞPİ-nin əməkdaşlarının keçirdiyi tədbirlərlə Şahbala Mirzəməmmədov saxlanılıb. Araşdırma aparılır”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
