“Azercell” qiymətləri yenidən endirdi
19 iyun 2009 12:15 (UTC +04:00)

“Azercell” qiymətləri yenidən endirdi

«Super Bizdənbizə» paketinin istifadəçiləri şəbəkə daxilində 4 saniyə=1 kontur tarifi ilə danışacaqlar


“Azercell Telecom” şirkəti abunəçiləri üçün yeni güzəştli – “Super Bizdənbizə” tarif paketini istifadəyə verib.

Bu barədə Lent.az-a “Azercell”in mətbuat xidmətinin rəhbəri Rüfət Abbasov məlumat verib. Bu gündən etibarən yeni paketdə SimSim abonentləri «Azercell» şəbəkəsi daxilində 4 saniyə=1 kontur, ölkədaxili digər şəbəkələrə edilən zənglərdə isə 1 saniyə=2 kontur tarifi ilə danışacaqlar.

Fakturalı xətt abonentlər isə aylıq abunə haqqı olmayan «Super Bizdənbizə» tarif paketində abonentlər «Azercell» şəbəkəsi daxilində 1 dəqiqə=5 qəpik, ölkədaxili digər şəbəkələrə edilən zənglərdə isə 1 dəqiqə=30 qəpik ödəyəcəklər.

Yeni tarif paketinə qoşulmaq üçün SimSim abonentləri 7575 nömrəsinə, Fakturalı xətt abonentləri isə 650 nömrəsinə «Super» sözünü yazıb SMS vasitəsi ilə göndərməlidir.
# 1558

Oxşar yazılar