“Xəzər Lənkəran” klubunun və Azərbaycan milli komandasının futbolçusu Ruslan Abışov ən yaxın müddətdə Rusiya “Rubin”i ilə müqavilə imzalayacaq. Lent.az-ın məlumatına görə, bu barədə Rusiyanın “BİZNES Online” qəzeti mötəbər mənbələrə istinadən xəbər yayıb.
Xəbərdə bildirilir ki, 26 yaşlı müdafiəçi hazırda Türkiyənin Antalya şəhərində “Rubin”lə birgə təlim-məşq toplantısındadır. Amma müqaviləsinin şərtləri müzakirə olunduğundan, məşqlərdə iştirak etmir. “Xəzər Lənkəran”la 2014-cü ilin yayınadək müqaviləsi olan Abışovla anlaşmanın bütün detalları yanvarın 19-dək rəsmiləşdiriləcək.
Qeyd edək ki, “BİZNES Online” Ruslan Abışovun “Xəzər Lənkəran”dan ildə 300 min avro aldığını və Azərbaycanın ən ödənişli yerli futbolçusu olduğunu yazıb. O da bildirilir ki, Abışovun “Rubin”dəki illik əmək haqqı isə 350 min avro təşkil edəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
