Azərbaycan milli komandasının və “Xəzər Lənkəran”ın futbolçusu Ruslan Abışov hazırda Rusiya “Rubin”inin düşərgəsindədir. Bu barədə Lent.az-a klubun prezidenti Mais Mənsimov eksklüziv açıqlamasında bildirib.
O bildirib ki, Abışov üçün “Rubin”dən “Xəzər Lənkəran”a rəsmi təklif gəlib. Bu səbəbdən, 26 yaşlı müdafiəçi hazırda Türkiyənin Antalya şəhərində təlim-məşq toplantısında olan Kazan komandasının sıralarına qoşulub. Mənsimovun sözlərinə görə, futbolçunun taleyinə tibbi müayinənin nəticəsindən sonra aydınlıq gələcək: “Ruslan həkim müayinəsindən uğurla keçsə, “Rubin”lə müqavilə bağlayacaq”.
Qeyd edək ki, “Rubin”in mətbuat xidmətinin rəhbəri Maksim Lopuxov ötən gün Lent.az-a açıqlamasında komandanın düşərgəsinə Ruslan Abışov adlı futbolçunun gəlmədiyini bildirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
