Futbol üzrə Topaz Premyer Liqasında bu gün keçirilməsi nəzərdə tutulan “Xəzər Lənkəran” – “Neftçi” matçı baş tutacaq. Bu barədə Lent.az-a Peşəkar Futbol Liqasının prezidenti Ramin Musayev açıqlama verib.
Hazırda Lənkəran şəhər stadionunda olan AFFA nümayəndəsi Ramiz Abdullayevlə əlaqə saxladığını deyən Musayev meydanın saat 16:00-da başlayacaq görüşə hazırlandığını bildirib.
Stadionun direktoru Höccət Hacıyev isə güclü leysan yağışının ot örtüyünə təsirsiz ötüşmədiyini və meydanda gölməçələrin yarandığını bildirib. O, stadionun işçi qüvvəsinin meydanı təmizləməyə cəlb olunduğunu söyləyib: “İnşallah, oyun baş tutmalıdır. Biz də bunun üçün çalışırıq”.
Qeyd edək ki, Lənkəranda dünən axşamdan yağan leysan yağışı hazırda səngiyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
