Çempionlar Liqasının III təsnifat mərhələsinin cavab oyunu “Qarabağ”ın baş məşqçisi Qurban Qurbanov üçün əlamətdar olacaq. Apasport.az saytının məlumatına görə, 45 yaşlı mütəxəssis məşqçi kimi 70-ci avrokubok görüşünə çıxacaq.
“Qarabağ”ın baş məşqçisi Tiraspolda Moldova “Şerif”inə qarşı keçiriləcək görüşədək 69 dəfə qitə miqyaslı turnirlərdə yetirmələrinə rəhbərlik edib. Bu görüşlərdən 2-si “Neftçi”, 67-si “Qarabağ”ın “sükanı arxası”nda gerçəkləşib.
2007/08 mövsümündə “ağ-qaralar”ın çalışdırıcısı kimi Avstriya “Rid”i ilə səfər sınağı Qurbanovun Avropada baş məşqçi kimi debütü olub. UEFA kubokunun 10 il əvvəlki matçında 1:3 hesablı yenilgiyə üzülən mütəxəssis sonradan 30 qələbə sevinci yaşayıb.
20 dəfə bərabərlik görən Qurbanovun komandaları 19 dəfə məğlub olub. Çalışdırıcının yetirmələri rəqib qapılarına 80 qol vurubsa, 64-nü buraxıb.
Qeyd edək ki, “Şerif” – “Qarabağ” oyunu sabah Tiraspolun “Şerif” stadionunda keçiriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
