Dünya məşqçilərinin reytinq siyahısı açıqlanıb. Apasport.az saytının məlumatına görə, cədvəldə Azərbaycan Premyer Liqasında çalışan mütəxəssislər də yer alıb.
Onlardan ən yaxşı nəticə “Qarabağ”ın və Azərbaycan millisinin baş məşqçisi Qurban Qurbanova məxsusdu. 46 yaşlı mütəxəssisin hesabında 1169 xal var. O, planetin 493-cü məşqçisidi. Həmyerlimiz son siyahı ilə müqayisədə 4 pillə irəliləyib.
“Qəbələ”nin ukraynalı baş məşqçisi Roman Qriqorçuk isə 945-ci yerdədi. Onun aktivində 255 xal var və 3 pillə geriləyib.
Siyahıda “Zirə”nin baş məşqçisi Ayxan Abbasovun da adı var. 217 xala malik gənc mütəxəssis 4 çalışdırıcını özündən irəli buraxıb və 990-cı yerə enib.
Qeyd edək ki, reytinq siyahısına Zinəddin Zidan başçılıq edir. “Real”ın baş məşqçisinin hesabında 18062 xal var. “Barselona”nı çalışdıran Ernesto Valverde 14448 xalla ikincidi. “Üçlüy”ü “Qremio”ya rəhbərlik edən Renato Qauşo qapayır. O, 14104 xala malikdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
