"Əsas odur ki, Rəşad Sadıqovu sıradan çıxardıq" - MÜSAHİBƏ

“Oyuna çox ciddi yanaşırdıq. Qolu tez vurmağımız işimizə yaradı”. Lent.az-ın xəbərinə görə, bunu “Ayntraxt” klubunun baş məşqçisi Armin Fe deyib.

Almaniyalı mütəxəssis Avropa Liqasının pley-off mərhələsinin “Qarabağ”la az öncə başa çatan oyunundan sonra fikirlərini açıqlayıb. “Qarabağ"ın fəal oynadığını deyən Fe hələlik mərhələni keçdiklərini düşünmür.

- "Qarabağ" Almaniya Bundesliqasında hansı yerlər uğrunda oynayardı?
- Buna tutarlı cavab vermək üçün 1 oyuna baxmaq bəs etmir. Bunun üçün bir neçə oyuna baxmalıyıq.

- Cavab matçında hansı nəticəyə ümid edirsiniz?
- Mərhələ keçən nəticəyə. Sözsüz ki, hesabı qorumağa yox, qrupa düşmək üçün qələbə qazanmağa çalışacağıq.

- Fərdi mübarizələrdə "Qarabağ"ın futbolçularını aşkar üstələyirdiniz. Bu, fiziki hazırlığın aşağı olmağı, yoxsa təcrübəsizliklə bağlıdır?
- Məncə, həlledici məqam odur ki, 14 nömrəli futbolçunuzu sıradan çıxara bildik. Bilirdik ki, o, liderlərdən biridir. Biz qol imkanlarımızda soyuqqanlı davrandıq.

- "Qarabağ" azarkeşlərini almanlarla müqayisə edə bilərsiniz?
- Azarkeşləriniz haqda xoş sözlər deyə bilərəm. Adətən qaçış çığırı olan stadionlarda belə dəstək hiss olunmur. Bizim azarkeşlər də pis deyildi. İkinci hissədə mənə elə gəldi ki, bura təyyarə enmişdi.

- "Qarabağ"ın futbolçularından kimləri bəyəndiniz?
- Sözün düzü, hansısa futbolçunu fərqləndirməyi xoşlamıram. Ancaq texnikalı oyun nümayiş etdirirdilər.

- "Qarabağ"ın işğal zonasının komandası olduğunu bilirdiniz?
- Bildiyimzi odur ki, rəqibimiz ev oyunlarının keçirdiyi məkan burdan 3-4 saatlıq ərazidə yerləşir. Ancaq hələlik ev oyunlarını Bakıda keçirməli olur.

- Həmyerliniz Berti Foqts getsə, Azərbaycan yığmasını çalışdırmaq təklifini qəbul edərsiniz?
- (gülür) Sözün düzü, Foqtsun gedib-getməyəcəyini bilmirəm. Bunu yalnız özü bilir. Mənin "Ayntraxt"la hələ 10 illik müqaviləm var. Hara çıxıram?

- Yığmamızda işləyən Bernard Lippertdən "Qarabağ" haqda məlumat soruşanda, nəsə deməkdən imtian etmişdi. Bəs kimdən məlumat almişdiniz?
- Açığı, Azərbaycandan işləyən məşqçilərdən məlumat toplamağı uyğun bilmədim. Çalışdım ki, özüm məlumat toplayım.