“Çelsi” heyətinə yeni oyunçu cəlb edir. Apasport.az saytının məlumatına görə, UEFA Çempionlar Liqasının qrup mərhələsində “Qarabağ”ın rəqiblərindən biri olan London təmsilçisi müdafiəçi ilə güclənir.
“Zadəganlar” “Torino”nun oyunçusu Davide Zappakostanın keçidini həll etmək üzrədir. Bu barədə xəbəri “SKY Sports” yayıb. Bildirilib ki, londonlular İtaliya millisinin də şərəfini qoruyan futbolçu üçün qarşı tərəfə 25 milyon avro ödəyəcək.
Qeyd edək ki, 2015-ci ildən Turin təmsilçisinin heyətində çıxış edən 25 yaşlı oyunçu ötən mövsüm meydana çıxdığı 29 oyunda 1 qol vurub və 5 dəfə məhsuldar ötürmə ilə yadda qalıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
