Amerikalı UFC döyüşçüsü Toni Ferqyuson sərxoş vəziyyətdə avtomobil idarə etdiyinə görə şərti cəza alıb.
Lent.az xarici mediaya istinadən bildirir ki, 2023-cü ilin may ayında 39 yaşlı idmançı Los-Ancelesdə sərxoş halda yol qəzası törətdiyinə görə saxlanılıb.
Keçmiş müvəqqəti yüngül çəki çempionu günahını etiraf edib və onlayn məhkəmə qeydlərinə görə şərti bir il həbs cəzası alıb. Məhkəmə döyüşçüyə qarşı sərxoş vəziyyətdə avtomobil idarə etmə ittihamını ləğv edib və yaş yolda ehtiyatsızlıqla bağlı daha az ittiham irəli sürüb.
Dekabrda Toni Ferqyuson Britaniya təmsilçisi Patrik “Peddi” Pimblettlə döyüşəcək. Döyüş UFC 296 çərçivəsində Las-Veqasda (ABŞ) baş tutacaq. İdmançılar dekabrın 16-da qarşılaşacaqlar.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
