"Milan"ın və Fransa millisinin hücumçusu Olivye Jiru karyerasını okeanın o tayında davam etdirəcək.
Lent.az-ın xarici mediaya istinadən məlumatına görə, 37 yaşlı futbolçu “Los-Anceles”lə müqavilə imzalamağa razılaşıb. Müqavilə bir il yarım müddətinə etibarlıdır və uzadılma variantını ehtiva edir. Futbolçunun maaşı ildə 3 milyon avro olacaq.
Jirunun 2024-cü il Avropa Çempionatından sonra azad agent kimi “Los-Anceles”ə qoşulacağı gözlənilir. İlin əvvəlindən Fransa millisinin keçmiş qapıçısı Uqo Lloris “Los-Anceles”də çıxış edir.
Bu mövsüm Jiru "Milan"ın heyətində 42 oyun keçirib, 15 qol vurub və 9 məhsuldar ötürmə edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
