Futbol tarixinin ən qalmaqallı "10 nömrəsi" SATILIR

Futbol tarixinin ən mühüm hadisələrindən birinə şahidlik edən forma hərraca çıxarılıb.

Lent.az Türkiyə mətbuatına istinadən xəbər verir ki, Maradonanın 1986-cı ildə İngiltərəyə qarşı geyindiyi və özünün “Tanrının əli" olaraq adlandırdığı qolu atdığı forma satılır.

Məlumata görə, formanın bütün rekordları qıracağı və 5 milyon dollardan baha satılacağı gözlənilir.

Futbolun əfsanələrindən biri olan Maradonanın 10 nömrəli bu forması 35 ildir ki, İngiltərə millisinin futbolçusu Stiv Hocadadır. Çünki söz-söhbətə səbəb olmuş həmin oyundan sonra 2 oyunçu formalarını dəyişiblər.

Daha sonra uzun müddət Milli Futbol Muzeyində də nümayiş olunub.

Formanın satışı aprelin 20-dən onlayn şəkildə həyata keçiriləcək.

Təkliflər mayın 4-nə qədər davam edəcək. Hazırda o "Sotheby's London" hərracında xalqa nümayiş etdirilir.

lent az lent.az xeberler xəbərlər ulduz fali mezenne son xeberler son xeber bürclər burcler günlük bürclər gunluk burcler lent.az xeber lent.az xeberler hadise texnologiya kompüter texno