Çimərlik güləşi üzrə ilk Azərbaycan çempionatına yekun vurulub.
Azərbaycan Güləş Federasiyasından Lent.az-a bildiriblər ki, yarışın sonuncu günündə böyüklər arasında mübarizə baş tutub. Avropa Oyunları Parkında keçirilən çempionatda 4 çəki dərəcəsi üzrə 60-dan çox güləşçi iştirak edib. Maraqlı mübarizə şəraitində keçən yarışda Rübail İbrahimli (70 kq), Omid Kamaliagdam (80 kq), İbrahim Yusubov (90 kq), Camal Feyziyev (+90 kq) qalib adına layiq görülüblər.