“Bakı” Bülənt Korkmaza vida matçı təşkil edəcək?

Zeynal Məmmədov: “Biz hələ təzəyik e, qardaş!”

“Heç vaxt pul dalınca getməmişəm. Mənim üçün pul yox, mənəviyyat önəmlidir”. Lent.az-ın məlumatına görə, bu fikirləri “Bakı” futbol klubunun yeni baş məşqçisi Bülənt Korkmaz bu gün keçirilən təqdimat mərasimində deyib.

41 yaşlı türkiyəli mütəxəssis özünün də bir vaxtlar çıxış etdiyi “Qalatasaray”ın əfsanəvi heyəti üçün vida matçının hələ də keçirilməməsindən narazı qalmadığını bildirib. Onun sözlərinə görə, futbolçu üçün yaşıl meydanlara əsl vida azarkeşlərin alqışları altında yola salınmaqdır. Bu baxımdan, Korkmaz Hakan Şükür, Arif Ərdəm, Həsən Şaş və digər komanda yoldaşları üçün xüsusi vida matçına ehtiyac görmədiyini bildirib: “Məni Bülənt Korkmaz kimi tanıtdığı üçün “Qalatasaray” klubuna minnətdaram. Vida matçına isə gərək yoxdur”.

“Qalatasaray”ın əfsanəvi heyəti üçün vida matçını “Bakı”nın təşkil etməsinin nə dərəcədə mümkünlüyü ilə bağlı suala isə klubun baş meneceri Zeynal Məmmədovun reaksiyası belə olub: “Biz hələ təzəyik e, qardaş!”