Prezident İlham Əliyev: “Bu qələbənin idman tarixində böyük yeri var”
14 sentyabr 2009 17:00 (UTC +04:00)

Prezident İlham Əliyev: “Bu qələbənin idman tarixində böyük yeri var”

Sentyabrın 14-də Azərbaycan Prezidenti ilham Əliyev Yerevanda keçirilən cüdo üzrə Avropa çempionatından qayıtmış idmançılarını qəbul edib.

Lent.az-ın məlumatına görə, idmançılarımızı uğurlu çıxış münasibətilə təbrik edən dövlət başçısı Ermənistanda qazanılan bu qələbəni tarixi hadisə adlandırıb. Prezident qeyd edib ki, 5 dəfə Azərbaycan bayrağının qaldırılması və 1 dəfə dövlət himninin səsləndirilməsi bütün Azərbaycan xalqını sevindirib: “İndi Azərbaycanda çox güclü nəsil yetişir. İdmançılarımızın bu yarışda göstərdikləri nəticə böyük uğurdur. Bu qələbənin idman tarixində böyük yeri var. Çünki yarış Yerevanda keçirilirdi”.

Milli komandanın üzvləri və məşqçisi Azərbaycanda idmana göstərilən diqqət və qayğıya görə Azərbaycan Prezidentinə minnətdarlıq bildiriblər.

Sonda idmançılarımız Prezident İlham Əliyevlə xatirə şəkli çəkdiriblər.
# 619

Oxşar yazılar